اولا باشكر ابو شنب والاخت ايمز والباشمهندس والدها علي الفرصة العظيمة ..
بصراحة كنت عاوز حد يشجعني .. فشكرا جزيلا
ونبتدي علي بركة الله ..
بسم الله
.
.
الايام في الغربة سريعة جدا .... وبخاصة مع العمل المتواصل ..
احساس الواحد بالعمر متوقف من لحظة خروجه من مصر .. ودا في راي بسبب ان الايام متشابهه في الغربة يعني كل يوم زي التاني نفس النظام ونفس الاحداث تقريبا .. بعكس مصر كل لحظة فيه احداث جديدة .. يعني تحس بالحياة بتنبض في مصر كلها .. ودي حقيقة .. الدوحة مافيهاش حياة حقيقية لان احداثها متشابهه .. والنهاردة زي امبارح زي بكرة زي السنة اللي جاية .. معسكر عمل ..
تنتهي من عمل تبدا عمل جديد ... دايرة مغلقة .. انا مش عارف برضه دا احساسي لوحدي واللا كل المغتربين كدة ..
الايام شبه بعضها .. مافيش جديد .. اللي بنبات فيه بنصبح فيه ..
دي كلمات مراتي .. مع ان عندها بيتها وعيالها ودايما مشغولة مع العيال .. الصغيرين اثناء وقت المدرسة والكبار بعد الرجوع من المدرسة .
معلش انا كنت ناوي اكتب عن ضريبة الغربة لكن اتشديت للفضفضة دي..
اسمع منكم ..
وسلام
Subscribe to:
Post Comments (Atom)
7 comments:
عزيزي labido
بداية سعيد بمشاركتك معنا في هذه المدونة الناشئة وكل سنة وانت طيب بمناسبة العام 44 (معلش متأخرة شوية ) ويارب يكون عام افضل ان شاء الله من كل الوجوه
احساس الغربة شيء طبيعي ليس في قطر وحدها ولكن في اي بلد يفقد فيها الانسان دائرته الاجتماعية التي كان يتحرك فيها في بلده وأصدقائه وأقربائه وبالفعل الموضوع ليس موضوع انشغال من عدمه ولكن افتقاد لاشياء واناس عزيزين علينا هو الذي يعمق معنى الغربة
لدي تفصيل قد اوضحه في بوست قريب ان شاء الله
شكرا لك واتمنى تواصلنا الدائم ان شاء الله
السلام عليكم:
على بركة الله
أنا الضلع الثالث من المثلث، بإختصار والدة emz وزوجة الباشمهندس، أحمد حسان، قليلة الكتابة و الرد على المدونات بالرغم من متابعتي لها بحكم ... عضو في عائلة أربعة أخماسها مدونين ( لم يبق سوى أنا) و بحكم اهتمامي بعالم النت .
لي تعليق على ما سبق من رتابة الحياة في الغربة ... نعم الأيام كلها تشبه بعضها و لكن الكلام فيه إيحاء بأن الحياة متوقفة ... بدون أحداث... بدون تغيير...بدون تطور....
في النهاية نحن نصنع التغيير ... هناك لوحة أمام مكتبي في المجلس الأعلى للتعليم عليها حكمة قديمة:
" إن لم نتغير لن نتطور و إن لم نتطور فلسنا أحياء " للفيلسوف غيل شيكي
gail sheeky
علينا نحن أن نحدث التغيير في حياتنا و لو تغيير بسيط كل يوم كي نستمر في مسيرة التطور
فلتكن الاستزادة من القراءة، من العلم ، من تأمل الطبيعة ، من توثيق الروابط الأسرية ....
للغربة ضريبة ( بل ضرائب بصيغة الجمع) و لكن من فوائدها
القدرة على الحياة بشئ من الهدوء و شئ من الراحة بعد الركض و الجري الطوووووويل
فلنستثمر الهدوء و بساطة العيش ( العيش بدون أحداث صاخبة) في أفعال لم نستطع الاستمتاع بها من قبل
هل أبدو متفلسفة؟! ربما
آسفة للإطالة
مع الشكر لكل من شارك في فكرة المنتدى
منى يونس
مش ممكن .. حد كبير متفق معايا :D
رد على التعليق اللى فوق ده بالظبط...
مين قال ان الحياة مش متوقفة ؟
بالعكس انا بتفق تماما مع البوست
مفيش تغيير و مفيش تطور و امبارح و النهارده
زى بكرة و كل يوم - مع الاعتذار لعم تامر -
نحن نصنع التغيير و لكنها مازلت محاولات للتغيير فى رأيى و ليست تغييرا فى حد ذاته!
حد فاهم حاجه؟
مظنش .. المهم
لو حضرتك مقتنعه باللوحة اللى قدام مكتبك فى المجلس الاعلى
اذن اعتبرينا مش من الاحياء
او على الاقل اعتبرينى انا و اى حد حاسس زيى.
تحياتى
واضح ان البوست ده اتقلب حوار عائلي ساخن ....زي بعضه
البوست والتعليقات تتكلم عن امرين وليس امر واحد
تغير يحيط بنا وتغير يلحق بنا قد يكون التغيير الذي حولنا في الغربة ليس بكثير ولكنه في الحقيقة في ظني لايغيرنا نظل نحن نشاهده في مقاعد المتفرجين سعداء به ولكن لانصنعه ولا نشارك فيه ولكن التغيير الذي يجب ان نجتهد في ان نفعله في حياتنا وفي من حولنا هو المطلوب في هذه الفترة ...احيانا الاحداث الصاخبة من حولك تشغلك عن ان تحدث تغيير او تاثير في من حولك واحيانا تتاح لنا فرصة كبيرة في ان نقوم ببعض التغييرات والتاثيرات لاتتاح في اوضاع اخرى ....وفي الحقيقة ان من لايغير يا emz في الحياة سيظل دوما في قلب التغيير نعم ولكن للاسف يصنعه غيره ووهو ده الي فهمته من الحكمة ومن التطور والاحياء
حد فاهم حاجة
طيب ما هو الغربة في حد ذاتها هيا التغيير
انا كنت بتكلم مع خطيبتي
عشان موضوع السفر
فكان لها رأي جميل
قالت لي ان السفر دي حاجة فرضها ربنا علينا
يمكن حتى الحج ربنا كتبه لأنه لازم البني آدم يسافر ولو مرة في العمر
حكمة برضه
انا سعيد جدا بالمناقشة دي بصراحة ..
وسعيد اكتر بالجو العائلي ..
اهو ده اول التغييرات..
لازم يكون فيه فوايد الغربة .. العجيب ان نفس المناقشة كانت امبارح معايا ومع زوجتي ..
انا راجع بعد الفاصل ..
سلام
عبدالفتاح
مساء الخيرات
بصى خدي منى تجربة غربة 18 سنة في بلد ممكن قطر تكون بالنسبة لها جنة عدن
بس بنصحك بحاجه بلاش تعيشي بالنفسية ديه علشان هتعيشي مش مبسوطه حاولي تعملي مجتمع عندك تحبية حاولي تكسري الصمت والرتابة اللى انت فيها اعمل رابطة للمصرين اللى في الغربة واعملي مجتمع مصري داخل المجتمع اللي انت مش حباه بس كنصحش انك تقعدي تعدي الليالي وتجتري الالم علشان من الحكمة اننا ندور على الجزء الجميل اللي في حياتنا ونفرح بيه
ربنا يسعدك
Post a Comment