الموضوع ليس موضوع انشغال من عدمه ولكن افتقاد لاشياء واناس عزيزين علينا هو الذي يعمق معنى الغربة
التعليق اللي فات دة من المهندس احمد حسان علي البوست السابق:
فعلا كلام جميل حرك المشاعر جوة الواحد.... ودي كانت النتيجة....
الواحد في الغربة بيستني اخبار الناس في مصر ... مين اتجوز ... مين خلف ... مين مات .. ومين مات دي هيه المهمة ..
ما بنحسش اننا كبرنا في الغربة الا لما نعرف ان واحد نعرفة سنة كبير مات .. ..
انا كنت متعود انزل مصر مع عيالي كل سنتين .. وكان لما انزل الاقي والدتي رحمة الله عليها منتظراني .. ما بتنامش الا لما تشوفني انا وعيالي وتسلم وكانت هي اول انسان بيسلم عليا لما اوصل البيت .. يوم وفاتها عرفت بعد الوفاه بحوالي 12 ساعة وعلشان انزل مصر ما لاقيتش طيارة الا بعد 12 ساعة تانية والطيارة وصلت مصر بعد نص بالليل روحت البيت .. لقيتهم كلهم نايمين .. وقتها بس حسيت ان امي ماتت .. لانها مش مستنياني ( الله يرحمها ) .. ما حضرتش الدفن .. وما وقفتش في العزا ..
وبعدها مات ناس كتير .. وبرضه ما عرفتش الا بعدها .. والعجيب ان الواحد بينزل مصر ويعرف بموت فلان ويروح يزور اهله وهو متاثر جدا ويلاقيهم نسيوا اللي مات وبيضحكوا وعايشين حياتهم .. انا حصلت معايا في وفاه عمي ما عرفتش اللا لمل نزلت مصر وكنت الوحيد في العيلة كلها اللي باعيط عليه وهما بيضحكوا لانه مات من ستة اشهر.
انا كنت بقول حاجة غريبة شويه .. ايه الفرق بين الموت والغربة .. في راي الموت هو غربة مابرنجعش منها .. والغربة موت بنرجع منه .. نوضح...
انا لما سافرت وبعدت عن اهلي واصحابي زي ما يكون مت .. بالنسبة لهم يعني افتقدوني كام يوم وبعدين رجعوا لحياتهم العادية ..
لما واحد بيموت اهله واصحابه بيحزنوا عليه كام يوم وبعدين بيعيشوا حياتهم العادية بعدها مع اعتقادهم بعدم عودته مرة تانية .. وبيعتادوا هذا الامر يعني ما بيفتكروش اللي مات الا عند الافراح .. ياريت فلان او فلانة كانوا معانا.. كانوا فرحوا اوي ..
طيب ما هو نفس الكلام بيتقال علي الغايب .. ياريت فلان كان معانا اللحظات الحلوة دي كان هايفرح اوي..
طيب ايه احساس الواحد البعيد عن امه وابوه واخواته فترة من الزمن في بلد بعيد .. هما بالنسبة له بعيد عنه ومش شايفهم قدامه واحيانا صعب عليه الوصول ليهم في وقت هو محتاجلهم .. يبقوا بالنسبه له ايه .. طيب لو لاقدر الله ومات حد منهم هايكون حزنه عليه زي اللي قاعد معاه وشايفه وبيعايشة .. اعتقد لا.. لان الواحدى معتاد انه مايشوفوش اللا كل سنة او اتنين..
طيب دي مشكله ..
معلش يمكن اكون سوداوي لكن دا اللي في دماغي ..
وصلت..
ايه الحل..
هي دي واحدة من ضرائب الغربة ...
Subscribe to:
Post Comments (Atom)
10 comments:
معاني عديدة اثارها هذا البوست في نفسي
-احيانا باشعر ان المغتربين خارج مصر مشغولين بشان مصر اكثر ممن بداخلها
الانسان خارج بلده مابيكونش شايف الاوضاع بشكل كامل ..هواجسه بتزداد ...قلقه مستمر على من يعرفهم
احيانا نتابع بلهفة قضية من القضايا وعندما نسأل عنها في مصر نفاجىء بأن البعض لايعرف عنها شيء
بالتاكيد جزء من ضريبة الغربة هي هذا القلق الذي يعيشه المغترب
قلق على اهله وناسه
قلقه على مايحدث لبلده
- ذكرني حديثك عن الموت بقول الشاعر
"ليس الغريب غريب الأهل والوطن .....إن الغريب غريب غريب اللحد والكفن "
تشبيهك بين الموت والغربة تشبيه يستحق الوقوف عنده قد يكون الموت هو الغربة التي لارجعة فيها ولكني لااعتبر ان الغربة موت نرجع منهالغربة تجربة وحياة جديدة والموت لايوجد به حياه
الغربة تفاعل وخبرات والموت موت في النهاية
الغربة تجربة ثرية مهما كانت مرارتها على نفوس البعض ولكنها رصيد هائل لنا جميعا لباقي حياتنا والموت نهاية لكل شيء
سعيد دوما يمالمشاركتي معك في خواطرك
معلش يا هندسة فيه وقفتين صغيرين ..
هاخد واحدة الاول علشان الوقت..
الموت ليس نهاية كل شيء ..
الموت نهاية الحياة الدنيا وبداية حياة البرزخ .. ودة نوع من الحياة اللي بيروح مابيرجعش يعني بيكمل الي الاخرة ..
فالموت به حياه لكن من نوع اخر ..
وسعيد بتعليقك ومشاركه الافكار..
..
نا لما سافرت وبعدت عن اهلي واصحابي زي ما يكون مت .. بالنسبة لهم يعني افتقدوني كام يوم وبعدين رجعوا لحياتهم العادية ..
..
و العكس كمان بالنسبة لينا اصحابنا و قرايبنا بيبقوا الذكريات اللى احنا عايشين بيها
و بنرجع كلنا اشتياق .. بس للاسف احنا بالنسبة لهم زى ما قلت ميتين
يمكن بترد فينا الروح شهرين تلاته و بعدين خلاص
..
بوست مؤثر لابعد الحدود
سعيده بهذه المدونة مع انها بتقلب علينا المواجع
..
تحياتى
مش عارفه اقول ايه بس البوست حلو اوى
و مؤثر جدا
عزيزي عبد الفتاح
معاك تماما بالطبع الموت ليس نهاية كل شيءفقط كان تعليقي يتكلم عن نهاية الحياة الدنيا ...بعيد عن ذلك تشبيه الغربة بالموت قد يكون هناك تشابه في بعض الجوانب التي وضحتها ولكن اعتبره تعبير قاس جدا لو تناولناه بشكل كامل ... اعتبار اي مغترب في عداد الأموات بالنسبة لأهله لست معه العكس الأهل ينتظرون المسافر على أحر من الجمر والتواصل مستمر بوسائل عدة اخشلى تسليمنا لهذا المعنى فنفقد اشياء فوق مانفتقده كمغتربين من أمور أخرى
وأهلا بالأخت غادة في هذه المدونةالجميلة التي تثير المواجع فعلا ولكن نتمنى ان تحقق تواصل بيننا نحن المصريون يخفف عنا تلك المواجع ولا تكتفي باثارتها
بوست جميل
بصراحة انا لا اطيق الغربة فعلا
رغم اني اسافر كثيراً
لكن بالفعل عشقي لمصر يتزايد وانا بعيد عنها
تحياتي اخي الغالي
فكلامك عن الموت مؤثر للغاية ومعبر جدا
واعادكم الله لمصر في اقرب وقت
بوست جميل
بصراحة انا لا اطيق الغربة فعلا
رغم اني اسافر كثيراً
لكن بالفعل عشقي لمصر يتزايد وانا بعيد عنها
تحياتي اخي الغالي
فكلامك عن الموت مؤثر للغاية ومعبر جدا
واعادكم الله لمصر في اقرب وقت
بوست جميل
بصراحة انا لا اطيق الغربة فعلا
رغم اني اسافر كثيراً
لكن بالفعل عشقي لمصر يتزايد وانا بعيد عنها
تحياتي اخي الغالي
فكلامك عن الموت مؤثر للغاية ومعبر جدا
واعادكم الله لمصر في اقرب وقت
لا والله ان اللى جوه مصر بيبقوا قلقانين على اولادهم اكتر منهم
يعني انا اخواتي الاتنين مسفرين
هل ان معنا كده اني خلاص بقا واعيش حياتي انا ومليش دعوه جم ولا مشيوا
احنا على طول واحنا بنعمل اي حاجه تفكيرنا كله فيهم
وفانهم عايشين اذاي دلوقتي
وياترى عملين ايه وبيكلوا ايه وبيشربوا ايه
الاجازه اللى قبل ديه بتاعة اخويه كان يعد معايه ويحكيلى على اللى كان بيحصله هناك من خير وشر
فكان يؤلي كان بييجي عليه ايام مش معاه فلوس
كان يصوم عن الاكل
وعالعموم ربنا يرجع كل المغتربين لبلاده
امين يا رب
Post a Comment