قطر الجميلة
من خلال المدونة بتاعتي "اكتبيني في دفاترك عاشق" اتعرفت على لابيدو مصري مقيم في قطر كان التعارف في ظرف حزين شوية ، وفاة شخص كنا نعرفه احنا الاتنين ، كانت اول صدمة ليا في الغربة ، ان حد يموت ويندفن بره بلده وبعيد عن اهله ، خلال نفس الفترة تقريبا جاني ميل من واحدة معجبة بالمدونة بتاعتي هيا مصرية مولودة في الكويت ودرست في الكويت لغاية ثانوي وخلصت الجامعة في مصر ، كل اللي يربطها بمصر شوية فسح في الاجازات ده من وجهة نظري ، اما هيا فكانت شديدة التعلق بمصر ومرتبطة بقضايا البلد مظاهرات ولا للتوريث وبتحب مصر او يمكن عايزة تحب مصر وتعيشها اكتر من فترة بعدها عنها
قصة المدونة دي بقة بدايتها كانت عند ايمز مصرية هنا في قطر الاول كنت فاكرها شغالة هنا وبعدين اكتشفت انها يا دوب تحت العشرين
مقيمة مع اسرتها هنا في قطر وبتعلن انها مش بتحب قطر عايزة ترجع لاصحابها في مصر ومدرستها والسينما والمطاعم والحياة المبهجة في القاهرة
الحدوتة برضة لسة
الي شجعني فعلا ان والد ايمز دخل اللعبة ب مدونة مختلفة وانتقل الحوار العائلي عن الغربة من البيت لصفحات النت
اتفقت مع ايمز اننا نعمل مدونة سوا
ونشوف مين تاني مدونين هنا في قطر
نتكلم
ونتحاور
عن الغربة
والوطن
عن مصر اللي بنحبها
وقطر اللي عايشين فيها
بالطول والعرض
عن البني ادم
اللي دايما عنده حنين
5 comments:
فكرة جميلة وسعيد جدا بالمشاركة معكم في المدونة من بدايتها ويسعدني التواصل معك ومع كل المصريين في قطر
في الحقيقة موضوع الوطن والغربة الخواطر والمعاني كثيرة وتتداعى بغزارة وخاصة لمن يقيمون خارج مصر وستكون فرصة طيبة للحديث حول هذا الامر وغيره ان شاء الله كل الشكر لاصحاب الفكرة وبالتوفيق باذن الله
شكرا يابو شنب ..
وربنا يوفقنا ان شاء..
ونبدأ علي بركة الله
انامهندس مصرى مقيم بقطر وعشت سنوات فى مصر وسنوات فى السعوديه لذا فأن شهادتى فى موضوع الغربه لها قيمه اتمنى ان تؤخذ مأخذ الاهتمام ..وهى اننى أجد احترام المجتمع لأدميتى وتعاملاتى مع الناس خارج وطنى أكثر من مصر..وأجد المجتمع خارج وطنى يساعد على تربية ابنائى بطريقه أفضل من الاخلاقيات الكريهه التى اصادفها أثناء أجازاتى الصيفية بمصر..وأعذرونى على رأييى الصادم لأتجاهكم.
السلام عليكم ورحمة الله ..
اتكعبلت في المدونه دي وشدني جداااااااا عنوانها " مصريون في قطر "
أنا مصريه اتولدت واتربيت وعشت كل ذكرياتي وسنين عمري في قطر ورجعت لمصر من 4 سنين بس عشان الجامعه بس بأسافر قطر في أجازة نص السنه ولسه راجعه من حوالي شهر من قطر ..
مش هتكلم عن الغربه ولا عن حياتي في مصر وقطر لأن الكلام مش هيخلص وبوستات مدونتي اتكلمت عن الغربه ومعاناتي بين مصر وقطر ..
فرحانه جدا بمشاركتي معكم :)
أنا لسه مقرأتش باقي البوستات
بس بجد بأكون فرحانه لما ألاقي حد كان عايش بره مصر وخاصة في قطر
أنا حاليا عايشه غربه من كل الأنواع
Post a Comment